Ik wil miene man verwennen.
Ik blief miene man verwennen.
As heej meej toch niej had, den goeie lieve schat.

Het is toch zonne lieve schat waor ik mit bin getrouwd.
Deej alles krek naor ziene zin, op meej wurd steeds gebouwd.
En hêt heej wel us kwaoje zin, vraog ik: "Wat is er schat?".
Dan leg meej mar aan zien vuût want ik bin zien slavin.

Ik wek eum smorgens mit en kus as heej is uutgerus.
De koffie bring ik eum op bed as geej dat nog niej wet.
En dat heej zich niej bukken hoef, de schoen maak ik eum dicht,
en laat eum deur de vurdeur uut en zucht dan hiel verlicht.

Ik kaok ook steeds naor ziene smaak, allien wat heej gear lust.
Ik kus eum ok zien nakse vuut, dat stelt eum zoe gerust.
Ik sloof meej altied vur eum uut, ik bin zien goeie bluts,
en maak vur eum beej oos ien huus het aardse paradies.

En as ik sovends praote wil en heej is muuj gewerk,
zet ik meej efkes op zien kneej, dat mak eum dan wir sterk.
En gût heej naor zien bed, dek ik eum lekker toe,
mar blief zien trouwe vrouw.